Mazkur maqolada shaxmat o‘yinining shaxsning intellektual rivojlanishiga ta’siri ilmiy jihatdan tahlil qilinadi. Zamonaviy ta’lim tizimida o‘quvchilarning mantiqiy fikrlashi, diqqat, xotira va strategik tafakkurini rivojlantirish muhim vazifalardan biri hisoblanadi. Shaxmat o‘yini intellektual sport turi sifatida o‘quvchilarning aqliy salohiyatini oshirish, mustaqil fikrlash va to‘g‘ri qaror qabul qilish ko‘nikmalarini shakllantirishda muhim vosita bo‘lib xizmat qiladi. Tadqiqot jarayonida shaxmat bilan muntazam shug‘ullanishning diqqat, xotira, mantiqiy fikrlash va analitik qobiliyatlarga ta’siri ilmiy adabiyotlar asosida tahlil qilindi. Olingan natijalar shaxmat o‘yini o‘quvchilarning intellektual rivojlanishiga ijobiy ta’sir ko‘rsatishini va ularning ta’lim jarayonidagi faolligini oshirishda muhim omil ekanligini ko‘rsatdi.