Mazkur tezisda mintaqaviy rivojlanishda intellektual va texnologik salohiyatning iqtisodiyotdagi o‘rni nazariy jihatdan asoslanadi. Tadqiqotda “ma’lumotlar–axborot–intellekt–bilim–kognitiv qobiliyat” tizimi mintaqa resurslari va boshqaruv qarorlari bilan uzviy bog‘liq jarayon sifatida yoritilib, intellektual va texnologik salohiyatning innovatsion faoliyat, texnologik yangilanish hamda iqtisodiy jarayonlar samaradorligiga ta’siri tahlil qilinadi. Tezisda muallif yondashuvi asosida intellektual va texnologik salohiyat iqtisodiy o‘sishning strategik resursi sifatida talqin etilib, mintaqalararo farqlarni qisqartirishda uni boshqarish va integratsiya qilishning amaliy yo‘nalishlari bo‘yicha takliflar ilgari suriladi.