Ushbu maqolada ingliz va koreys tillaridagi so‘z tartibi va uning gap tarkibidagi o‘rni tahlil qilinadi. Tadqiqotda har ikki tilning sintaktik xususiyatlari, gapdagi so‘zlar ketma-ketligi va grammatik rolga qarab solishtirildi. Ingliz tili asosan subyekt–fe’l–obyekt (SVO) tartibiga ega bo‘lsa, koreys tilida odatda subyekt–obyekt–fe’l (SOV) tartibi qo‘llaniladi. Tadqiqot natijalari ko‘rsatadiki, ikki til o‘rtasidagi so‘z tartibi farqlari tarjima va til o‘rganishda muhim rol o‘ynaydi. Shu bilan birga, kontekst va pragmatik vaziyat tilning so‘z tartibiga ta’sir qilishi mumkinligi aniqlangan. Maqola qiyosiy tilshunoslik, kontrastiv sintaksis va chet tillarni o‘qitish sohalari uchun ilmiy-amaliy ahamiyatga ega.