Ushbu maqola Uilyam Shekspir ijodining ingliz tili frazeologik tizimiga ta’sirini o‘rganadi. Shekspirning pyesalari va sonetlari orqali ingliz tiliga kiritilgan yoki mashhur bo‘lgan yuzlab idiomalar va frazeologik birliklar tahlil qilinadi. Tadqiqotda Shekspirning tilni boyitish miqyosi (1700 dan ortiq yangi so‘z va ibora), mashhur idiomalar (“break the ice”, “green-eyed monster”, “heart of gold” va boshqalar), ularning shakllanish usullari (metaforizatsiya, antiteza, alliteratsiya), saqlanib qolish sabablari (obrazlilik, lokoniklik, universallik) va zamonaviy ingliz tilidagi o‘rni batafsil ko‘rib chiqiladi. Natijada Shekspir ingliz frazeologiyasining asosiy “arxitektori” sifatida baholanadi va uning merosining bugungi global ingliz tiliga ta’siri ta’kidlanadi.