Mazkur tadqiqotda iqtisodiyotni erkinlashtirish, innovatsion rivojlanish va kommunikatsion texnologiyalar taraqqiyoti sharoitida korxonalar moliyaviy barqarorligini oshirishning ustuvor yо‘nalishlari va amaliy mexanizmlari ilmiy jihatdan asoslab berilgan. Korxonalar moliyaviy barqarorligini ta’minlashda moliyani boshqarishning kompleks tizimi, moliyalashtirish manbalarining diversifikatsiyasi, imtiyozli kreditlar, venchur fondlar, qimmatli qog‘ozlar bozori hamda ichki moliyaviy nazoratning ahamiyati ochib berilgan. Shuningdek, kengaytirilgan takror ishlab chiqarishni uzluksiz ta’minlash, rezerv fondlarini shakllantirish, innovatsion faoliyatni rag‘batlantirish va telekommunikatsiya texnologiyalarini joriy etish orqali korxonalar moliyaviy barqarorligini mustahkamlash masalalari yoritilgan. Tadqiqotda telekommunikatsiya texnologiyalarini samarali rivojlantirish omillari tasniflanib, ularning korxona moliyaviy barqarorligini ta’minlashdagi roli ilmiy-nazariy jihatdan tahlil qilingan. Olingan xulosalar korxonalar moliyaviy barqarorligini oshirishga qaratilgan davlat siyosati va korporativ boshqaruv qarorlarini takomillashtirishda amaliy ahamiyat kasb etadi.