Ushbu maqolada Oʻzbekiston Respublikasida istiqomat qilayotgan millat va elatlarning rang-barang etnik tarkibi, ularning tarixiy ildizlari hamda tasnifi keng yoritilgan. Tadqiqotda mamlakat hududida yashovchi asosiy millatlar bilan bir qatorda kam sonli elatlarning shakllanish jarayoni, hududiy joylashuvi va madaniy-ma'naviy xususiyatlari ilmiy asosda tahlil qilingan. Shuningdek, millatlararo munosabatlarning mustahkamlanishi, bagʻrikenglik va oʻzaro hurmat tamoyillarining jamiyat taraqqiyotidagi oʻrni alohida ta'kidlangan. Oʻzbekistonda olib borilayotgan davlat siyosatining milliy totuvlikni ta'minlashdagi ahamiyati ochib berilib, turli millat vakillarining yagona fuqarolik jamiyatini shakllantirishdagi hissasi yoritilgan. Mazkur maqola etnologiya, tarix, sotsiologiya fanlari doirasida ilmiy izlanishlar olib borayotgan tadqiqotchilar, talabalar hamda keng kitobxonlar ommasi uchun muhim nazariy va amaliy ahamiyatga ega.