Mazkur ilmiy ishda raqamli texnologiyalar asosida ijodiy fikrlashni rivojlantirish metodikasining nazariy va amaliy jihatlari yoritilgan. Tadqiqotda zamonaviy ta’lim sharoitida ijodiy fikrlash shaxsning muhim intellektual kompetensiyalaridan biri sifatida asoslab berildi. Raqamli texnologiyalar yordamida ta’lim oluvchilarning mustaqil fikrlash, muammoli vaziyatlarni hal etish va kreativ yondashuv ko‘nikmalarini rivojlantirish imkoniyatlari tahlil qilindi. Ilmiy ishda shaxsga yo‘naltirilgan, faoliyatga asoslangan va kompetensiyaviy yondashuvlar uyg‘unligida metodik model ishlab chiqildi hamda pedagogik tajriba-sinov ishlari orqali uning samaradorligi isbotlandi. Tadqiqot natijalari ta’lim jarayonida raqamli texnologiyalardan samarali foydalanish orqali ijodiy fikrlashni rivojlantirish mumkinligini ko‘rsatadi.