Ushbu maqolada O‘zbekistonda tijorat banklarining chakana bank xizmatlarini ko‘rsatish jarayonida yuzaga kelayotgan kiberjinoyatchilik xavflari hamda axborot xavfsizligini ta’minlash masalalari nazariy va amaliy jihatdan tahlil qilinadi. Asosiy e’tibor banklarning chakana xizmatlarida uchrayotgan kiberxavflar, ularning kelib chiqish omillari hamda axborot xavfsizligini ta’minlashda qo‘llanilayotgan texnologik va tashkiliy mexanizmlarga qaratilgan. Shuningdek, O‘zbekiston bank tizimi sharoitida kiberjinoyatchilik xavfini kamaytirish va axborot xavfsizligini kuchaytirish bo‘yicha xalqaro tajribalar asosida takomillashtirish yo‘llari ishlab chiqilgan.