पर्यटन उद्योग हा देशाच्या आर्थिक, सामाजिक व सांस्कृतिक विकासाचा महत्त्वाचा घटक आहे. पर्यटनाच्या माध्यमातून रोजगारनिर्मिती, परकीय चलनप्राप्ती व प्रादेशिक विकास साध्य होतो. भारतात पर्यटनाच्या विकासासाठी केंद्र व राज्य शासनाच्या विविध यंत्रणा कार्यरत असून त्यामध्ये भारतीय पर्यटन विकास महामंडळाची भूमिका अत्यंत महत्त्वाची आहे. पर्यटकांसाठी निवास व्यवस्था, उपहारगृहे, वाहतूक सुविधा, सांस्कृतिक कार्यक्रम, बाजारपेठांची उभारणी तसेच देश-विदेशात पर्यटनस्थळांची जाहिरात करणे ही या महामंडळाची प्रमुख कार्ये आहेत. या सर्व शासकीय उपक्रमांमुळे पर्यटन स्थळांचा सर्वांगीण विकास होत असून भारतीय पर्यटन उद्योगाला गती मिळाली आहे.