पर्यटन व्यवसायाचा भारताच्या आर्थिक विकासात महत्त्वपूर्ण वाटा आहे. पर्यटनामुळे रोजगारनिर्मिती, पायाभूत सुविधांचा विकास, स्थानिक उद्योगांना चालना, कृषी व ग्रामीण विकास, परकीय चलनाची प्राप्ती तसेच राष्ट्रीय व आंतरराष्ट्रीय सहकार्याला प्रोत्साहन मिळते. मागील दशकात भारताच्या जागतिक पर्यटनातील वाट्यात लक्षणीय वाढ झाली असून GDP मध्ये पर्यटनाचे योगदानही वाढले आहे. तथापि, पायाभूत सुविधांची कमतरता, स्वच्छतेचा अभाव, सुरक्षिततेच्या समस्या, नैसर्गिक आपत्ती व अपघात ही पर्यटन विकासासमोरील प्रमुख आव्हाने आहेत. शाश्वत पर्यटन विकासासाठी पर्यावरण संरक्षण, परिसंस्था जतन, सार्वजनिक-खाजगी भागीदारी, स्थानिक सहभाग आणि प्रभावी नियोजनाची आवश्यकता आहे. अशा सर्वंकष प्रयत्नांमुळे पर्यटनातून देशाचा आर्थिक विकास साधता येईल तसेच स्थानिक लोकांच्या उत्पन्न व रोजगाराच्या संधी वाढतील.