Revmatoid artrit (RA) — surunkali autoimmun kasallik bo‘lib, asosan bo‘g‘imlar va bog‘lovchi to‘qimalarni shikastlaydi. Kasallikning sistemali tabiatiga ko‘ra, RA bemorlarida yallig‘lanish jarayonlari, immunitet buzilishi va dori-darmonlar ta’siri tufayli og‘iz bo‘shlig‘ida ham turli patologik o‘zgarishlar kuzatiladi. Xususan, periodontit, osteoporoz, og‘iz bo‘shlig‘ida suyak zichligi pasayishi, shilliq qavatning yallig‘lanishi va og‘iz gigiyenasining buzilishi RA bemorlarida ko‘p uchraydi. Shu sababli RA bilan kasallangan bemorlarda tish implantatsiyasi rejalashtirilganda, jarrohlik va protedik bosqichlardan oldin aniq tahlil va tayyorgarlik zarur bo‘ladi.