Mazkur maqolada akademik litseylarda ona tili fanini o‘qitish jarayonida kommunikativ yondashuvning nazariy-metodik asoslari, uning ta’lim samaradorligiga ta’siri hamda amaliy qo‘llanish imkoniyatlari tahlil qilinadi. Tadqiqot davomida ona tili darslarida o‘quvchilarning og‘zaki va yozma nutqini rivojlantirish, mustaqil fikrlash, muloqot madaniyati hamda til birliklaridan vaziyatga mos holda foydalanish ko‘nikmalarini shakllantirishda kommunikativ yondashuvning ustun jihatlari ochib beriladi. Shuningdek, akademik litsey ta’limi sharoitida mazkur yondashuvni joriy etishda yuzaga kelayotgan muammolar, ularni bartaraf etish yo‘llari va metodik tavsiyalar beriladi. Maqola ona tili o‘qituvchilari, metodistlar hamda ta’lim jarayonini takomillashtirish bilan shug‘ullanuvchi mutaxassislar uchun mo‘ljallangan.