Ushbu maqolada O‘zbekiston Respublikasida sanoat korxonalari faoliyatining atrof-muhitga, xususan tuproqning kislotali-ishqoriy muvozanatiga (pH) ta’sirini baholash masalalari yoritilgan. Sanoat hududlari atrofida tuproqning pH ko‘rsatkichlari fasllar bo‘yicha o‘zgarishi tekshiriladi, O‘zbekiston Respublikasining “Tuproqni muhofaza qilish to‘g‘risida”gi Qonuni (2024-yil), “Tuproq monitoringini takomillashtirish to‘g‘risida”gi hukumat qarorlari va amaldagi ekologik monitoring tizimi asos qilib olingan. Tadqiqot sanoat chiqindilari, atmosferaga tashlanadigan gazlar, yog‘ingarchilik, namlik va haroratning fasllik dinamikasi tuproqning pH balansiga qanday ta’sir ko‘rsatishini ilmiy jihatdan asoslaydi.