Ushbu maqolada sun’iy intellekt texnologiyalaridan foydalangan holda o‘quv videomateriallarni avtomatik ssenariylashtirish tizimini yaratish masalalari ilmiy-nazariy va amaliy jihatdan tahlil qilingan. Tadqiqotda o‘quv videolarning zamonaviy ta’lim jarayonidagi o‘rni, ssenariylashtirish jarayonining murakkabligi hamda uni avtomatlashtirish zarurati asoslab berilgan. Shuningdek, sun’iy intellektga asoslangan avtomatik ssenariylashtirish tizimining funksional modeli, pedagogik va texnologik imkoniyatlari, ta’lim standartlariga moslashuv mexanizmlari hamda uning ta’lim samaradorligini oshirishdagi ahamiyati yoritilgan. Maqolada mazkur tizimning o‘qituvchilar faoliyatini yengillashtirish, o‘quv kontentini individuallashtirish va raqamli ta’lim muhitini rivojlantirishdagi roli asoslab berilgan.