Mazkur maqolada STEAM ta’lim texnologiyasining mazmun-mohiyati, uning boshlang‘ich ta’lim tizimidagi pedagogik imkoniyatlari hamda xorijiy mamlakatlar tajribasi asosida qo‘llanish mexanizmlari yoritiladi. Tadqiqot jarayonida AQSh, Finlyandiya, Janubiy Koreya va Yaponiya ta’lim tizimlarida STEAM yondashuvining boshlang‘ich sinflarda joriy etilish shakllari tahlil qilinadi. STEAM ta’limining o‘quvchilarda ijodiy fikrlash, muammoni hal qilish, tanqidiy tafakkur va fanlararo integratsiyani rivojlantirishdagi roli asoslab beriladi. Shuningdek, mazkur texnologiyani milliy ta’lim tizimiga moslashtirish masalalari yuzasidan ilmiy xulosalar beriladi.