Ushbu maqolada nodavlat ta’lim muassasalarini boshqarish strategiyasida qo‘llaniladigan asosiy sifat mezonlari tahlil qilinadi. Ta’lim bozorida raqobat kuchayib borayotgan sharoitda nodavlat muassasalarning samarali faoliyati ularning strategik boshqaruv yondashuviga, pedagogik jarayon sifati, kadrlar salohiyati, moddiy-texnik baza darajasi, moliyaviy boshqaruv shaffofligi va xizmatlar iste’molchilarining qoniqishiga bog‘liqdir. Maqolada ta’lim jarayonini monitoring qilish, raqamli transformatsiya, innovatsion texnologiyalarni joriy etish hamda boshqaruv madaniyati kabi mezonlarning ahamiyati yoritiladi. Xulosa sifatida, nodavlat ta’lim muassasalarida sifatni ta’minlash tizimi strategik boshqaruvning asosiy omili ekani, u ta’lim xizmatlarining barqarorligi va raqobatbardoshligini oshirishga xizmat qilishi ta’kidlanadi.