Ushbu maqolada ingliz tilini o‘qitish metodlari an’anaviy va zamonaviy yondashuvlar asosida tahlil qilinadi. Tadqiqotda o‘qituvchi markazli va o‘quvchi markazli ta’lim modellari qiyosiy jihatdan ko‘rib chiqilib, ularning ta’lim samaradorligiga ta’siri yoritiladi. Shuningdek, ingliz tilini o‘qitishda axborot-kommunikatsiya texnologiyalaridan (AKT) foydalanishning ahamiyati asoslab beriladi. Maqolada multimedia vositalari, onlayn platformalar va mobil ilovalar asosida tashkil etilgan darslarning raqamli ta’lim muhiti sharoitida o‘quvchi faolligi va o‘quvchi motivatsiyasini oshirishdagi o‘rni tahlil qilinadi. Kommunikativ yondashuv va interaktiv metodlarning ingliz tilini amaliy muloqot vositasi sifatida o‘zlashtirishdagi samaradorligi ko‘rsatib beriladi. Tadqiqot natijalari shuni ko‘rsatadiki, zamonaviy AKT vositalarining interaktiv metodlar bilan integratsiyasi o‘quvchilarning nutqiy ko‘nikmalarini rivojlantirish, mustaqil ta’lim olish qobiliyatini shakllantirish hamda ta’lim jarayonining umumiy samaradorligini oshirishda muhim ahamiyat kasb etadi.