Mazkur maqolada texnika yo‘nalishida Internet of Things (IoT) fanini o‘qitishda interfaol ta’lim metodlaridan foydalanishning nazariy va amaliy jihatlari yoritib berilgan. Zamonaviy raqamli texnologiyalar sharoitida IoT fanining ahamiyati, uning fanlararo xususiyati hamda ushbu fanni samarali o‘qitish zarurati asoslab berilgan. Maqolada interfaol metodlarning mohiyati, turlari va ularning IoT fanini o‘qitish jarayoniga tatbiq etish mexanizmlari batafsil tahlil qilingan. Loyiha asosida o‘qitish, muammoli ta’lim, keys-stadi, guruhli ishlash, laboratoriya mashg‘ulotlari va axborot-kommunikatsiya texnologiyalaridan foydalanish kabi metodlarning afzalliklari ochib berilgan. Shuningdek, IoT fanini o‘qitishda yuzaga keladigan muammolar va ularni bartaraf etish yo‘llari ko‘rsatib o‘tilgan. Tadqiqot natijalari texnika oliy ta’lim muassasalari va kasb-hunar ta’limi tizimida IoT fanini o‘qitish samaradorligini oshirishga xizmat qiladi.