Ushbu maqola oliy ta’lim muassasalarida (OTM) inklyuziv o‘qitish metodlarini joriy etishning nazariy asoslari, amaliy mexanizmlari hamda mavjud muammolarini tahlil qilishga bag‘ishlangan. Inklyuziv ta’lim barcha toifadagi, jumladan, maxsus ta’lim ehtiyojlariga (MTE) ega bo‘lgan talabalar uchun teng imkoniyatlarni ta’minlashga qaratilgan bo‘lib, zamonaviy jamiyatning asosiy talablaridan hisoblanadi. OTM professor-o‘qituvchilari malakasini oshirish, resurs bazasini mustahkamlash va me’yoriy-huquqiy bazani takomillashtirish kabi amaliy tavsiyalar ilgari suriladi.