Mazkur maqolada sun’iy intellektning (SI) ta’lim jarayoniga integratsiyasi, uning pedagogik jarayonni modernizatsiya qilishdagi imkoniyatlari hamda yuzaga kelishi mumkin boʻlgan xavf-xatarlar tahlil qilingan. Tadqiqotda sun’iy intellektga asoslangan o‘qitish tizimlari, shaxsiylashtirilgan ta’lim, avtomatlashtirilgan baholash va o‘quvchilarning faolligini oshirishdagi roli yoritilgan. Shuningdek, SI texnologiyalarini ta’limga joriy etishdagi axloqiy, metodik va infratuzilmaviy muammolar ham ko‘rib chiqilgan. Muallif sun’iy intellektni samarali joriy etish uchun o‘qituvchilarning yangi kompetensiyalarni egallashi, o‘quv dasturlarini moslashtirish va ilmiy halollik tamoyillariga rioya etish zarurligini ta’kidlaydi.