Ushbu maqolada tasavvufning kelib chiqishi, uning mohiyati va islom falsafasi rivojidagi oʻrni ilmiy jihatdan tahlil qilinadi. Tasavvuf – Qur'on va Hadis asosidagi ma'naviy-tarbiyaviy yoʻnalish sifatida shakllangan boʻlib, uning maqsadi inson qalbini poklash, ma'naviy kamolotga erishish va Haq bilan yaqinlikni his etishdir. Maqolada tasavvuf ta'limotining asosiy gʻoyalari, shariat, tariqat, ma'rifat va haqiqat bosqichlari izohlanadi, shuningdek, mashhur mutasavviflar – Junayd Bagʻdodiy, Bahouddin Naqshband, Jaloliddin Rumiy kabi allomalarning qarashlari tahlil qilinadi. Islom falsafasi tarixida tasavvuf nafaqat diniy-ma'rifiy oqim, balki axloqiy-ruhiy tarbiyaning muhim manbai sifatida ham oʻrganiladi. Maqolada tasavvufning musulmon jamiyatidagi ma'naviy-ma'rifiy oʻrni, shuningdek, uning bugungi davr uchun ahamiyati yoritib berilgan.Tasavvufning asosiy gʻoyalari, uning ma'naviy-ma'rifiy ta'siri, shuningdek, Sharq va Gʻarb tafakkuridagi falsafiy ahamiyati yoritiladi.