Ushbu maqolada yashil iqtisodiyotning mohiyati, uning barqaror rivojlanishdagi o‘rni hamda iqtisodiy o‘sish jarayoniga ta’siri tahlil qilinadi. Tadqiqotda O‘zbekistonning 2010–2025 yillar oralig‘idagi asosiy iqtisodiy ko‘rsatkichlari asosida ekonometrik model tuzilib, yashil energiya, investitsiyalar va atrof-muhit ko‘rsatkichlari o‘rtasidagi bog‘liqlik aniqlanadi. Natijalar shuni ko‘rsatadiki, yashil iqtisodiyotga yo‘naltirilgan investitsiyalar iqtisodiy o‘sishni rag‘batlantiradi va ekologik barqarorlikni ta’minlaydi. Tadqiqot OECD metodologiyasi va Sachsning barqaror rivojlanish nazariyalariga tayangan holda olib borilgan.