Mazkur tezisda pul-kredit siyosatining milliy iqtisodiyot va jahon moliya bozori barqarorligini ta’minlashdagi roli chuqur ilmiy tahlil qilingan. Pul-kredit siyosati — bu Markaziy bank tomonidan iqtisodiy faollik, narxlar barqarorligi va moliyaviy tizim muvozanatini ta’minlash maqsadida amalga oshiriladigan chora-tadbirlar majmuasidir. Tadqiqotda O‘zbekiston Respublikasi Markaziy bankining monetar siyosat sohasidagi islohotlari, inflyatsion targetlash tamoyillarining joriy etilishi, foiz stavkasi, pul massasi va valyuta kursi orqali iqtisodiy barqarorlikka erishish mexanizmlari yoritilgan.