Mazkur maqolada oilaviy zo‘ravonlik muammosi somatik huquqlar — ya’ni insonning jismoniy daxlsizligi, sog‘lom tana huquqi va tibbiy aralashuvdan himoyalanish erkinligi bilan bevosita bog‘liq holda tahlil qilinadi. Shaxsning jismoniy daxlsizligi fuqarolik va inson huquqlarining eng muhim tamoyillaridan biri bo‘lib, har qanday shakldagi zo‘ravonlik ushbu prinsipning buzilishi hisoblanadi. Maqolada oilaviy zo‘ravonlikning huquqiy, psixologik va ijtimoiy omillari, shuningdek, O‘zbekiston qonunchiligida bu holatlarga qarshi kurashishning mavjud mexanizmlari tahlil qilinadi. Shuningdek, somatik huquqlarni ta’minlashda davlat, sud organlari va ijtimoiy institutlarning o‘rni, himoya orderi tizimi, reabilitatsiya markazlarining ahamiyati va amaliyotdagi kamchiliklar yoritiladi. Maqola yakunida oilaviy zo‘ravonlikning oldini olish va jismoniy daxlsizlikni kafolatlash bo‘yicha taklif va tavsiyalar keltiriladi.