Ushbu maqolada elektron tijorat sohasida ma’lumotlar xavfsizligini ta’minlash va shaxsga doir ma’lumotlardan foydalanishni huquqiy tartibga solish masalalari tahlil qilinadi. Tadqiqotda O‘zbekiston Respublikasining amaldagi qonunchiligi, xalqaro huquqiy me’yorlar solishtirildi. Maqolada elektron tijorat platformalarida ma’lumotlar xavfsizligi bilan bog‘liq muammolar, ularni bartaraf etishning huquqiy va texnik jihatlari yoritiladi. Tadqiqot natijalariga ko‘ra, O‘zbekistonda shaxsiy ma’lumotlarni himoya qilish tizimini xalqaro standartlar bilan uyg‘unlashtirish, maxsus nazorat organi vakolatlarini kengaytirish hamda texnik xavfsizlik talablarini huquqiy jihatdan mustahkamlash zarurligi asoslab beriladi.