Mazkur maqolada til rivojlanishining muayyan qonuniyatlari hamda til tarixiga ta’sir ko‘rsatadigan tashqi omillar masalasi ko‘rib chiqiladi. Tilshunoslik nazariyasida “ichki” va “tashqi” til qonunlari, shuningdek, tarixiy o‘zgarishlarning manbai va asos sifatida “ziddiyat” tushunchasi ilgari suriladi. Maqolada ichki qonunlar deb e’tirof etiluvchi umumiy (umuminsoniy) va maxsus (milliy, individual) tamoyillar, hamda tashqi qonunlar doirasida ham umumiy, ham xususiy qonunlar mavjudligi ta’kidlanadi. Tadqiqot davomida aglutinativ va sintetik xususiyatlarga ega turli tillarda ichki hamda tashqi qonunlarning bir-biriga ta’siri, qonuniyatlar va rivojlanish sur’ati bo‘yicha o‘zgarishlar misollar orqali yoritiladi.