Ushbu maqola oliy ta'lim muassasalarida bitiruvchilarni ishga joylashtirishni ta'minlashga qaratilgan o‘rgatuvchi modulli tizimning samaradorligini o‘rganishga bag‘ishlangan. Maqolada, yuqori malakali mutaxassislarni tayyorlashda, nazariy bilimlarni amaliy ko‘nikmalar bilan uyg‘unlashtirish orqali mutaxassislik fanlarini o‘rgatish tizimini takomillashtirish zarurati tahlil qilinadi. Shuningdek, modulli ta’lim tizimi yordamida ta'lim jarayonini modernizatsiya qilish, kasbiy faoliyatga tayyor bo‘lgan, mehnat bozorining talablariga javob beradigan bitiruvchilarni tarbiyalash muammosi ko‘rib chiqiladi. Tadqiqot, o‘rgatish metodlarini yangilash, amaliyotning ishlab chiqarish jarayonlari bilan uyg‘unlashuvi va o‘quv dasturlarini modernizatsiya qilish orqali bitiruvchilarni ishga joylashtirish jarayonining samaradorligini oshirishga qaratilgan amaliy takliflarni taqdim etadi.