Ushbu maqolada Toshkent viloyatida sanoatning rivojlanish ko‘rsatkichlari va unga ta’sir qiluvchi omillar statistik baholanib, sanoat tarmog‘ining rivojlanishida kichik biznes va xusisuy tadbirkorlikning o‘rni iqtisodiy-statistik tahlil usullari yordamida baholangan. Shuningdek, sanoatning rivojlanishi hududning makroiqtisodiy ko‘rsatkichlari rivojlanishiga hamda natijada hudud aholisi farovonligiga qay darajada ta’sir qilishi ilmiy asoslangan. Shuningdek, sanoat tarmog‘ini rivojlantirishda xorij tajribalari keng tadqiq etilib, ular bo’yicha xorijiy iqtisodchi olimlar erishgan yutuq va bergan ilmiy xulosa va takliflarini milliy iqtisodiyotimizga moslashtirib, ulardan mamlakatimiz hududlarini kompleks rivojlantirish borasida olib borilayotgan chora-tadbirlarda foydalanish bo‘yicha atroflicha to‘xtalib o‘tilgan. Turli statistik usullar yordamida olib borilgan tadqiqot va tahlil natijalaridan hududni rivojlantirishda sanoat, xususan, kimyo sanoatining ta’siridan kelib chiqib, ushbu tarmoqni yanada kengroq miqyosda rivojlantirish bo‘yicha ayrim taklif va mulohazalar keltirib o‘tilgan.