Ushbu tezisda Barqaror rivojlanish maqsadlari doirasida ta’lim tizimida gender tenglikni ta’minlash imkoniyatlari tahlil qilinadi. Ta’lim gender tenglikka erishishning asosiy omili sifatida qaralib, qizlar va ayollar uchun ta’lim olish imkoniyatlarini kengaytirish, gender stereotiplarini bartaraf etish va ta’lim mazmuni hamda metodologiyasini tenglikka asoslangan holda takomillashtirish masalalari ko‘rib chiqiladi. Maqolada gender tenglikni ta’minlashning ta’lim tizimiga ta’siri, mavjud qiyinchiliklar va ularni yengish yo‘llari ham tahlil qilinadi. Shu orqali jamiyatda barqaror rivojlanishga erishish uchun ta’limning o‘rni va ahamiyati yoritib beriladi.