Хозирги даврда замонавий тиббиётда шифобахш ўсимликлар билан даволаш кенг кўламда қўлланилади. Хар бир доривор ўсимликка бир нечта шифобахш хусусиятни беради. Лаванда ўсимлиги ҳам шу ўсимликлар турига киради. Лаванда мамлакатимизда етиштирилиши мумкин бўлган ажойиб ҳидга эга бўлган шифобахш ўсимлик ҳисобланади. Лаванда ўсимлигининг илдизи намликка жуда сезгир. Республикамизнинг тупроқ иқлим шароити доривор лаванда етиштириш учун жуда қулай ҳисобланади. Мамлакатимизда лаванда ўсимлиги доривор ўсимликлар каторига киради, уни етиштириш ва фармокология саноатимизни маҳаллий ҳомашё билан таъминлаш ҳозирги куннинг долзарб муаммоларидан биридир. Ушбу муаммони ҳал этиш учун сўнги йилларда бир қатор қарорлар қабул қилинди ва амалга оширилмоқда.