Mustaqillik yillarida ta’limni milliy asoslarda qayta tashkil qilish va rivojlantirish yo’lida qilingan ishlardan yana biri jamiyat hayotining barcha yo’nalishlarida bo’lganidek, uzluksiz ta’lim tizimining barcha bosqichlarida mavjud bo’lgan musiqa ta’limi mazmuni milliy musiqiy meros to’grisidagi ma’lumotlar va asarlar bilan boyitiladi. Bu holatni ta’lim tizimining eng muhim shakllantiruvchi bosqichi bo’lgan umumiy o’rta talim maktablari “musiqa madaniyati” fani uchun ishlab chiqilgan va amaliyotga tadbiq etilgan davlat ta’lim standartlari va o’quv dasturi, shu asosda yaratilgan darsliklar misolida yaqqol ko’rish mumkin. Natijada o’sib kelayotgan yosh avlod milliy musiqa tarixi, uning rivojlanish bosqichlari, o’ziga xos milliylik xususiyatlari, ijrochilik uslublari, an’analari, shuningdek, milliy musiqa san’ati rivojiga o’lkan xissa qo’shgan ijodkorlar faoliyati bilan yaqindan tanishish imkoniyatiga ega bo’ldi.