Oziqlanish saraton rivojlanishiga ta’sir qilgani kabi, saraton ham insonning ovqatlanish holati, oziq-ovqat iste’moli va ishtahasiga ta’sir qiladi. Saratonni davolashda qo‘llaniladigan radioterapiya va kimyoterapiya kabi usullar ozuqa moddalari va energiyaga bo‘lgan ehtiyojni oshiradi. Ushbu ortib borayotgan ehtiyojlarga muvofiq, yetarli va muvozanatli ovqatlanish davolanishga chidamlilikni oshiradi, nojo‘ya ta’sirlarni yengishni osonlashtiradi, tanamizning immunitet tizimini mustahkamlaydi, sog‘lom hujayralarni himoya qilishga yordam beradi va vazn yo‘qotishning oldini oladi. Shu sababli ham saraton kasalligining oldini olishda ham, davolash jarayonida ham to‘yimli va ratsional ovqatlanish katta ahamiyatga ega.