АПСТРАКТ Развојот на светската економија, но и на националните економии е условен од унапредување на меѓународната трговската размена и соработка. Токму затоа, државата е секогаш мотивирана да ги регулира односите на субјектите во сферата на меѓународната трговија, притоа водејќи трговска политика на заштита на домашното стопанство во функција на остварување на националните цели и интереси. Трговската политика државите ја реализираат преку користење на царини и нецарински инструменти за надворешно трговска заштита и истата треба да создаде услови за подобрување на конкурентската моќ на домашните производители да создадат поволна производна структура на национална економија а со цел остварување на долгорочен економски раст и развој. Современиот концепт на надворешно трговска заштита, т.н. надворешно трговска либерализација е процес на намалување и укинување на царините и на нецаринските ограничувања. Царините како еден основните инструменти за трговска заштита признаени од страна на Светската трговска организација, се индикатор и на интензитетот на царинска заштита на една национална економија со што се овозможува поголема конкурентност на домашните производи на домашниот пазар. Целта на овој труд е да се направи мерење на интензитетот на царинска заштита во Македонија, споредено со селектирана група на земји од регионот, преку преку пресметување на стапките на номиналната царинска заштита и тоа преку агрегирање на аритметичките просеци на номиналните стапки и за одредена група на производи и со пресметување на пондерираните номинални царински стапки агрегирани согласно потребите на анализата.