Å bli eldre, vert ofte forbunde med svekking og forfall. Mange kvir seg til å flytta heimefrå, bli pleietrengjande og til bry. Slike fordommar er ofte grunnlause, då mange eldre er ressurssterke og kan bidra positivt til fellesskapet. Diplomoppgåva mi ser på korleis eldre kan få brukt potensialet sitt ved rett sosio-fysisk tilrettelegging. Eg tek i bruk ein tidlegare sjukepleiarhøgskule i betong frå 1974, og byggjer han om til eit bufellesskap for eldre der delingskultur og sambruk får stå i fokus. I tillegg til private leilegheiter, inneheld bygget mange fellesrom til bruk både for bebuarane og folk i lokalsamfunnet.