Dentro da noción de paisaxe cultural, neste traballo partimos da paisaxe percibida, e dos relatos e das narrativas que as sociedades crean sobre o territorio. No ámbito do noroeste peninsular, o mundo mitolóxico establece unha relación específica entre as paisaxes aéreas e o mundo subterráneo, na que están presentes as covas, os penedos, a auga e a mourindade. As características deste mundo «baixo a terra» ou inframundo, e da influencia da súa estrutura simbólica na interpretación dos elementos que están «na superficie», resultan escasamente tratadas. Aínda que algunhas cavidades foron estudadas dende ámbitos como a xeoloxía, a espeleoloxía, ou a arqueoloxía, resulta necesaria a aplicación dun enfoque antropolóxico ao estudo destas construcións simbólicas. Propoñemos integrar os distintos ámbitos de coñecemento, tanto para a súa investigación, como para a súa difusión e socialización.

Within the cultural landscape concept framework, our research explores the perceptible landscape alongside the narratives and tales woven by societies concerning their land. Centred explicitly in the northwest of the Iberian Peninsula, the mythological realm establishes a unique relationship between aerial landscapes and the subterranean world, in which caves, water reservoirs, and the «mouros» world are present. However, the attributes characterising this underground world — referred to as the underworld — along with the influence of its symbolic structure on the interpretation of surface-level elements have received limited attention. Although specific caves have undergone scrutiny from the perspectives of geology, speleology, and archaeology, there remains an urgent requirement to employ an anthropological approach to comprehending these symbolic constructs.