Introdución. A Lei 5/2011, do 29 de marzo, de economía social, formulou os principios orientadores deste eido da economía e, ao mesmo tempo, favoreceu a súa visibilidade e recoñecemento a nivel estatal. En Galicia, a Lei 6/2016, do 4 de maio, de economía social, persigue adecuar a norma estatal á realidade de Galicia (Bastida et al., 2019; Vaquero e Bastida, 2021). O seu capítulo segundo permite identificar as entidades que conforman a economía social e no artigo 6 incorpora as comunidades e mancomunidades de montes veciñais en man común. Ao anterior compre engadir a normativa específica en esta materia, tanto a nivel estatal, coa Lei 55/1980, de 11 de novembro e, para Galicia, coa Lei 13/1989 de 10 de outubro, de Montes Veciñais en Man Común (Bastida e Vaquero, 2019; 2020; Vaquero e Bastida, 2021). No presente capítulo tratárase de describir a situación en Galicia das comunidades e mancomunidades de monte veciñais en man común como parte da economía social. Tras esta introdución, o segundo apartado analiza a situación dos montes veciñais de man común (MVMC). No terceiro apartado se afonda no estudo das comunidades de MVMC. O cuarto apartado sitúa a análise nas mancomunidades de MVMC. No quinto apartado establécense una serie de recomendacións e, finalmente se sinalan as conclusións.