Esta tese de doutoramento analiza a crise da globalización neoliberal unipolar e explora o xurdimento dunha alternativa xeopolítica baseada na multipolaridade soberanista. A través dunha metodoloxía fundamentalmente cualitativa e dun enfoque multidisciplinar examínase a evolución do modelo neoliberal desde o seu nacemento até a situación de crise relativa na que, defendemos, se atopa na súa fase actual globalizada, así como o papel que se agarda que desempeñe a soberanía das nacións neste novo contexto. A investigación formula dúas hipóteses centrais: a primeira, que a globalización unipolar debilitou a soberanía nacional, erosionou a democracia e profundou nas desigualdades, provocando o ascenso de respostas soberanistas que reclaman unha nova orde mundial máis multipolar e multicéntrica, baseada na cooperación e nas relacións pacíficas, igualitarias e non intervencionistas entre as nacións, así como na reformulación dos organismos multilaterais.