O presente volume, o primeiro da serie Cursos da revista Recursos Rurais, Xestión de Solos Forestais: produción sostible e calidade ambiental recompila, de maneira didáctica, as importantes funcións que desempeña o solo nos sistemas forestais. Abordanse unha serie de coñecementos que xeralmente non se inclúen na docencia de primeiro e segundo ciclos universitarios, pero que son necesarios para resolver as actuais esixencias ambientais e de produción no sector forestal. O contido da publicación organizouse en diferentes temáticas: Propiedades e limitacións dos solos para a xestión forestal sostible, Xestión sostible de solos forestais, Conservación e recuperación de solos forestais, Solos forestais e calidade ambiental.