O traballo comeza cunha breve introdución acerca da importancia dos autovalores de grandes matrices na nosa vida diaria para resolver diferentes tipos de problemas. Móstrase, ademais, unha clasificación dos diferentes métodos de cálculo de valores propios para grandes matrices e para centrarse despois no método de cálculo de autovalores baseado en reducir unha matriz calquera a unha semellante (e polo tanto cos mesmos autovalores) de tipo Hessenberg superior mediante matrices de rotación de Givens e utilizar o método de Hyman para avaliar e resolver o polinomio característico desta matriz. Ademais, estudarase a adaptación do método de Givens para matrices simétricas que, por tanto, se reducen a matrices tridiagonais simétricas, o que permite utilizar a estratexia de Sturm para o cálculo de autovalores deste tipo de matrices. Os métodos son descritos tanto dende o punto de vista matemático como computacional detallando a súa codificación e programación en Matlab. Os códigos engádense ao final de cada tema e o texto complétase cos resultados obtidos no cálculo de autovalores de matrices tomadas como exemplo, comparando os resultados cos proporcionados directamente polo código Matlab (comando eig).