A edición en galego do presente discurso é un soño feito realidade grazas ao apoio do Servizo de Normalización Lingüística, do Servizo de Publicacións e Intercambio Científico da USC e á iniciativa da Comisión de Normalización Lingüística da Facultade de Matemáticas. A proposta nace dun discurso bo e xeneroso, derivado da encomenda á Facultade de Matemáticas da lección de apertura do curso 1973-74, que recae no profesor Enrique Vidal Abascal. El confesa desasosego polo reto, esta é a primeira lección. Compartir dúbidas é moi científico; dúbidas que, neste caso, xorden da necesidade de determinar o asunto do discurso, analizando e avaliando a audiencia e o momento. O documento que presentamos evidencia que o mestre Vidal atinou co tema e sintonizou a frecuencia axeitada para conectar, non só cos presentes no acto senón con todas as persoas que hoxe nos achegamos ao texto case medio século despois.