Nesta Tese de doutoramento pártese de fundamentacións teóricas sobre a vinculación entre Literatura e Xornalismo, para a seguir realizar unha descrición e unha clasificación temática das colaboracións en prensa de Carlos Casares publicadas entre 1968 e 1992. Colaboracións realizadas por Casares de forma parella e simultánea á súa produción literaria, e a outras facetas por el desenvolvidas no ámbito da cultura galega. Estas facetas do autor permiten profundar nas relacións entre xornalismo e literatura na súa obra. En anexos ofrécese un traballo hemerográfico que dá conta dos lugares, datas e títulos das colaboracións realizadas polo autor en distintos xornais galegos (La Región e La Voz de Galicia) e foráneos (El País e El Mundo).