Como contar e descubrir a memoria dun barrio a través dun proceso participativo? Como xerar coñecemento sobre prácticas sociais a través de metodoloxías de investigación colaborativa? Estas dúas preguntas son a chave para entender o proxecto Cabila, un proceso metodolóxico no que participan diferentes axentes, que comparten un modo de facer, na procura da visualización dos saberes colectivos desa comunidade. Cabila é un software, produto da gamificación dunha metodoloxía estándar do campo da enxeñaría, hibridada con traballo de campo etnográfico e tecnoloxías brandas de participación cidadá. Un prototipo experimental construído ao longo do último ano dende o Incipit-CSIC no marco do proxecto Geoarpad. Unha metodoloxía que foi ao mesmo tempo deseñada e aplicada nun proxecto piloto. O caso de estudo no que nos centraremos tivo lugar no barrio de Vite, onde a comunidade implicada tomou a decisión de deseñar e pór a funcionar o Arquivo da Memoria de Vite. Un arquivo vivo e polifónico no que diferentes axentes do barrio e da cidade están a levar a cabo unha investigación en torno ao seu patrimonio inmaterial.

Resumen del trabajo presentado en el Simposio ILG 2019: Lingua, patrimonio e coñecemento tradicional, celebrado en Santiago de Compostela (España), del 5 al 7 de noviembre de 2019