[GA] Co obxecto de coñecer a variabilidade espacial e as tendencias interanuais do fitoplancto galego, estudáronse as series de datos históricos dispoñibles para Galicia, abarcando desde a zona oceánica ata as zonas máis costeiras das rías e a plataforma continental. En xeral, observouse unha diminución significativa das diatomeas, especialmente na zona oceánica. Tamén hai indicios dun incremento, aínda que non significativo, dos dinoflaxelados. O descenso das diatomeas foi debido á caída das abundancias de especies propias de floracións, tanto primaverais como estivais asociadas ao afloramento. Así mesmo, aumentaron as especies de diatomeas propias de afloramentos febles ou estratificación. Malia que non todas as tendencias foron significativas, os resultados son coherentes cunha diminución da intensidade do afloramento nos últimos 40 anos e un cambio nas condicións climáticas desde a década de 1980. Os resultados indican que os efectos dos cambios climáticos sobre o fitoplancto se poden manifestar con varios anos de retardo. Con todo, a alta variabilidade oceanográfica da zona, especialmente de alta frecuencia, e mais a falta de continuidade de moitas series de datos dificultan o establecemento de relacións claras entre cambios ambientais e o fitoplancto

[EN] The available information on phytoplankton biomass and species composition in Galician waters was studied to find out their spatial variability as well as the annual trends. The areas covered included the oceanic zone, the shelf and the inner part of the Rías. In general a significant drop in diatoms was observed. The series also indicated an increase in dinoflagellates, although it was not statistically significant. The diatom species related to blooms in the area declined, whereas those indicative of weak upwelling or stratificacion showed an increase. Even though not all trends were significant, the available data are consistent with the decrease in upwelling intensity over the last 40 years. The results also suggest that effects of climate changes on phytoplankton may be delayed for several years. In any case, the large oceanographic variability of the region, along with the lack of continuity of some o

Esta análise das tendencias do fitoplancto en Galicia foi financiada parcialmente pola Consellería de Medio Ambiente e Desenvolvemento Sostible (Programa CLIGAL) e polo proxecto REFORZA (PGIDT06RMA60401PR) da Consellería de Innovación e Industria da Xunta de Galicia. O traballo de María Huete-Ortega estivo financiado polo Programa Predoutoral de Formación de Profesorado Universitario do Ministerio de Educación y Ciencia.

13 páginas, 2 tablas, 7 figuras

Peer reviewed