Sənaye inqilabı ilə istehsalın artması müəssisələri yeni bazarlar axtarmağa məcbur etmişdir. Yeni bazarların axtarışı ilə, əsas məqsədi daha çox istehsal etmək, daha çox satmaq və maksimum qazanc əldə etmək olan müəssisələr arasında şiddətli rəqabət yarışı başlamışdır. Bu rəqabətli yarışda bəzi şirkətlər aradan qaldırıldı, bəzi şirkətlər fəaliyyətin gücləndirdi və sürətlə böyüməyə başlamışdır. Bu məqamda 1980-ci ildən sonra sürətlə inkişaf edən və yayılan “strateji idarəetmə”, 2000-ci illərdən etibarən isə “rəqəmsal dövr və rəqəmsallaşma” anlayışları ilə qarşılaşırıq. Sərhədlərin olmadığı, bütün dünya bazarının qloballaşdığıi günümüzdə şirkətlər bazarda qalmaq və böyümək üçün strateji idarəetmə siyasətləri tətbiq edir, gələcəyi proqnozlaşdırmağa və düzgün qərarlar qəbul etməyə çalışırlar. Strateji idarəetmə daim yeniliklər etməyə və rəqibləri üzərində üstünlük əldə etməyə çalışan biznes və təşkilatlara istiqamət verən bir anlayışdır. Rəqəmsal dövrün ən mühüm nəticəsi informasiyaya sürətli çıxış, informasiyanın sürətli mübadiləsi, emalı, yayılması və saxlanması ilə informasiya-kommunikasiya texnologiyalarına əsaslanan bir dövrü əhatə edən informasiya cəmiyyətidir. Bu vəziyyət hər sahəni əhatə edir və iş həyatında strateji idarəetmə sahəsində də əhəmiyyətli dəyişikliklər yaratmışdır. Rəqəmsallaşma bu roluna görə bir çox tədqiqatçının diqqətini cəlb edir. Bu məqlədə strateji idarəetmə anlayışı ətraflı araşdırılır və strateji idarəetmə ilə rəqəmsallaşma arasındakı əlaqə nəzəri baxımdan müzakirə edimişdir.