Xorijiy talabalarning ism-familiyalari turli manbalarda lotin va kirill yozuvlarida, turli transliteratsiya an’analariga ko‘ra yoziladi. Bu bir shaxsga tegishli yozuvlarni avtomatik moslashtirishni qiyinlashtiradi. Maqolada ism-familiyalarni yagona shaklga keltiruvchi normallashtirish qoidalari va Jaro–Winkler o‘xshashlik o‘lchoviga asoslangan moslashtirish algoritmi taklif etilgan. Sakkiz juftlikdan iborat nazorat to‘plamida normallashtirishdan keyin bir shaxsga tegishli juftliklar o‘xshashligi 0,964–1,000 oralig‘iga ko‘tarilgani, turli shaxslar esa 0,85 dan oshmagani ko‘rsatilgan.