Mazkur maqolada adabiyotshunoslikdagi motiv kategoriyasining nazariy asoslari, uning semantik tabiati, ichki tuzilishi va badiiy asardagi funksional xususiyatlari tahlil qilinadi. Motivning voqea, syujet, fabula, qahramon hamda xronotop kabi narrativ kategoriyalar bilan o‘zaro munosabati yoritiladi. Shuningdek, A. N. Veselovskiy, V. Ya. Propp, B. N. Putilov va boshqa olimlarning qarashlari asosida motivning hikoya strukturasidagi o‘rni hamda uning predikativ mohiyati tadqiq etiladi. Motivning badiiy matnda an’ana va individual ijod o‘rtasidagi bog‘lovchi unsur sifatidagi ahamiyati ochib beriladi.