Ushbu maqolada boshlang‘ich sinflarda ona tili fanini o‘qitish jarayonida sun’iy intellekt imkoniyatlariga ega bo‘lgan raqamli platformalardan foydalanishning pedagogik samaradorligi yoritiladi. Tadqiqotda yozma va og‘zaki nutqni rivojlantirish, imlo va grammatik xatolar bilan ishlash hamda o‘quvchilarning mustaqil fikrlash ko‘nikmalarini shakllantirishda raqamli platformalarning tutgan o‘rni tahlil qilinadi. Tajriba-sinov ishlari natijalari sun’iy intellekt elementlariga asoslangan vositalar ta’lim jarayonini shaxsga yo‘naltirilgan, interaktiv va samarali tashkil etishga xizmat qilishini ko‘rsatadi. Olingan xulosalar boshlang‘ich ta’limda ona tili o‘qitish metodikasini takomillashtirishda amaliy ahamiyat kasb etadi.