[EUS] Lan honen helburua, Ruditapes philippinarum txirla japoniarrean eta Ruditapes decussatus txirla handian amonioaren eskrezio-tasa eta tamainaren arteko erlazio alometrikoa ezartzea izan da. Lortutako material biologikoaren ezaugarriak zirela eta, erlazio alometrikoa txirla japoniarraren kasurako baino ezin izan da modu egokian ezarri, eta txirla handiarekin lortutako datuak erkaketarako baino ezin izan dira erabili. Horrela, R. philippinarum espezieko ale gazteekin, parametro biometrikoak neurtu ziren batetik, eta ondoren amonioaren iraizpen-tasa eta tamainaren arteko erlazio alometrikoa ezarri zen. Tamainaren adierazle modura, erlazio alometrikoak ezartzerakoan, animalien luzera, animalien pisu bizia eta ehunen pisu lehorra erabili izan dira, eta guztiekin frogatu da erlazioa ez dela isometrikoa. Gainera, neurketak lau hilabetetan zehar egin direnez, aukera egon da baieztatzeko baldintzak konstante mantenduz gero erlazio alometrikoak konstante mantentzen direla. Azkenik, R. philippinarum aleen neurketak, bai parametro biometrikoenak zein amonioaren iraizpen-tasari dagozkionak, R. decussatus aleekin lortutakoekin erkatzean, desberdintasun esangarriak lortu izan dira bi espezieetan. Labur esanda, R. decussatus espezieko ale gazteen kondizio indizea esangarri altuagoa da, eta neurtutako tartean behintzat, amonioaren eskrezio-tasa nabarmen baxuagoak erakusten dituzte.

[EN] The aim of this research was to stablish an allometric relation between ammonium excretion-rate and body-size in Ruditapes philippinarum (Japanese carpet shell) and Ruditapes decussatus (grooved carpet shell). Due to the characteristics of the biological material obtained, the allometric relation was only stablished for R. philippinarum, and R. decussatus was used to compare with R. philippinarum individuals. Thereby, biometric parameters were measured and ammonium excretion-rate and body-size relations were calculated in R. philippinarum juvenile individuals. Animal length, animal weight and flesh dry-weight were used as body-size representatives, and it was proved with all of them that the allometric relation was not isometric. Furthermore, as the measurements were made during four months, it was seen that allometric relations did not change if laboratory conditions were kept constant. Finally, when data from R. philippinarum individuals was compared with R. decussatus, significant differences were obtained. Although R. decussatus individuals showed better condition index, lower ammonium excretion-rates were obtained for them.